在《毒舌大狀》裡, 律師叫喊「證人」的次數, 遠比叫檢控官, 陪審團甚至法官(大人或閣下)為多, 可見坐得上證人席的, 不論身份地位貧富言行, 都是劇情關鍵; 但, 請不要誤解為法庭真的沒有證人不行, 電影裡上庭作證的, 恰恰都是敗類, 或被形容為浪費人力物力的「垃圾」, 而此等用語便惹起唯一能提聲叱喝的法官不安, 不過律師們都繼續遊戲規則, 演繹今時今日珍稀並幾近消逝的法律公義. 讓我好奇的是, 戲裡哪些與大狀主角有過關連的黎民, 或自甘墮落當權貴棋子的角色們, 或許與這場屈獄伸冤無直接關係, 但...他們的內心戲又是怎樣?
「唓, 你知唔知做保安人工幾奀! 我唔知乜野公唔公平, 人地有錢俾我講乜咪講乜囉, 無飯食你養我呀, 法庭要講真話? 唔好同我講笑啦...」剛上庭「作證」, 被辨方律師質問是否收錢老屈被告嘅豪宅保安員.
「夠薑收我錢而家又唔同我打官司? 咁有義氣去幫人伸冤? X你啦, 呢個世界有公道我就唔駛做社團收貴利啦!」剛去林大狀踢竇打到佢爆缸但放佢一馬嘅黑社會大佬.
「你老味呀, 大狀巴L閉呀(係下屬面前谷住條氣, 所以下刪十八句粗口)....係擺明塔你番嚟呀, 差人做野唔駛你教! 搵法官撻我?上頭叫做野...總之, 做你咪做你囉!」三催四請才去見扣押係差館四十八小時嘅林大狀, 剛被「水官」噴一面屁無得反駁嘅 Madam Ko.
「嘩, 好彩啫! 唔係被點中要教個醫生女婿俾口供就麻煩啦, 我收錢嚟坐架咋, 佢係咪契弟唔關我事, 法律平等? 哈哈哈...我地睇事實架麻, 你而家係法庭見到有乜野吖!」剛在庭上被林大狀義正詞嚴掃射一輪面目無光, 並在有錢千金彈起離席隨即與其他同行落荒而逃的大律師丙.
「大驚小怪! 單單案都係咁架啦, 法庭講程序, 證據...同埋睇個官囉! 擺明係咁, 有錢人嘅玩意, 唔通賣菜阿嬸會講嬴大狀呀? 鬼唔知 Everything Is Wrong 咩, 不過...我搵食啫!」隱沒在法庭裡, 剛忙於紀錄呢場咁有爆炸力官司嘅法庭書記.
以上, 是想像的設計心聲, 還未有心思猜測戲裡各人的心態面貌, 那些各個崗位的律師, 師爺, 庭警, 醫生, 炒家, 妓女, 警察, 懲教員...還有在對話裡參與整場大戲的「傳媒」友好, 對他們來說, truth or dare...不, 是 dead 更重要? 嗯, 我相信你知道的!
No comments:
Post a Comment