獻給李安的15小時 (下)

其實從未想過會當臨記，只是收到友人邀請，時間地點適合又閒著便答應，當然心中也知道不是參加五星級豪華團，但相信也未至於地盤泥水工般刻苦難過吧！而且也很想知道，當臨時演員，或一般人所謂「老臨」甚至「茄呢啡」是怎樣的一回事。

電影《喜劇之王》裡面，我們看過熱愛演戲的周星馳如何等待做臨記的機會，如何在片場發表個人戲劇理論，以至如何被劇組人員粗言呼喝甚至被吳孟達飾演的飯盒佬兜口兜面「問候全家」，夠嚇人吧！但現實是除了鍾意玩貪新鮮的學生們，以及「介上介」的朋友的朋友這些烏合之眾外，在李安新作《色‧戒》一場講述六百多人在大學會堂內看話劇的場景內，便擠滿了從不同演員公司介紹來的專業臨記，他們有老有嫩，也有花樣中年先生女士，看來經驗豐富從容不迫，並不時評論現場情況以及大發個人偉論，不同公司的各自一夥，壁壘很分明。學生或「靚Ken」們，其實也聊得很開心，反正只是坐著等或群戲，時而胡扯一通時而玩PSP，就像與友伴參加喬裝派對。

或者你對上述電影的情節也有同感，所以究竟有無俾人喝呢？D工作人員係咪粗口爛舌架？OK，我承認個個臨記面目模糊，化妝梳頭嘅阿哥，檢查戲服嘅阿姐，派飯嘅阿叔，仲有call人嘅場記甲乙丙對住這些嘍囉，急趕起來也就不好語氣，最記得一群又一群臨記拿飯盒，有人挑起飯蓋看是否合口味，立即被阿哥阿姐喝道：「唔好揀啦！拎咗就行，無得揀架……有得揀，就係食‧同‧唔食！」，轉頭又補充，「拎咗唔啱食就同其他人換啦！」，控制人流之餘，竟又顧及交換口味的問題，都幾得！

其他的人，也算很客氣，「唔該」「唔好意思」「辛苦哂」這些話都識講，拍攝時因為無冷氣仲會派紙巾俾臨記抹汗，係咪算係咁呱。當然，一眾臨記也很安分守紀 ─ 叫你行就行企就企，而且沒有誰的時間比拍攝這事更重要，全場接近七百人的15小時，就這樣從早到凌晨花去了。